Azərbaycan cüdoçuları ABŞ-nin Las-Veqas şəhərində keçiriləcək kata üzrə dünya çempionatında iştirak edəcək.

Prosport.Az xəbər verir ki, yarışda Azərbaycan 6 idmançı ilə təmsil olunacaq.

Nage-no-kata üzrə Malik Allahverdiyev, İsmayıl Rzayev (hər ikisi tori – hücum edən idmançı), Samir İsmayılov və İbrahim Aslanov (hər ikisi uke – hücum edilən idmançı), katame-no-katada isə Rafiq Nəcəfov (tori) və Əmrah Əhmədov (uke) qüvvəsini sınayacaq.

Qeyd edək ki, noyabrın 9-10-da təşkil olunacaq dünya çempionatında 32 ölkədən 282 idmançı iştirak edəcək.