Bakıda "Formula 1" üçün nəzərdə tutulmuş Paddok sökülür.

Söküntünün səbəbi barədə Prosport.Az-ın sorğusuna Bakı Şəhər Halqası Əməliyyat Şirkəti rəsmi cavab verib.

Şirkət gözlənildiyi kimi, bunun Bakıda noyabrda keçiriləcək COP29-la bağlı olduğunu bildirib: "Bu ilin 11-22 noyabr tarixlərində Bakıda keçiriləcək COP29-a hazırlıq prosesi və paytaxtda aparılan geniş tikinti-quruculuq işləri çərçivəsində Neftçilər prospektində yerləşən "Formula 1" Paddok ərazisi müvəqqəti olaraq sökülmüşdür.  Həmçinin, nəqliyyatın rahat hərəkəti üçün ərazini əhatə edən qoruyucu beton bloklar aradan götürülmüşdür".

Qeyd edək ki, əvvəllər tribunalar sökülsə də, Paddok növbəti yarış üçün olduğu kimi saxlanılırdı.

Onu da bildirək ki, 2025-ci ildə "Formula 1" Azərbaycan Qran-prisinin ilkin olaraq 18-21 sentyabr tarixlərində keçirilməsi nəzərdə tutulub.