3x3 basketbolu üzrə qadınlardan ibarət Azərbaycan millisi və "Neftçi"nin FIBA-nın təşkil etdiyi Dünya Qadın Seriyasının novbəti mərhələ yarışlarında iştirakı təsdiqlənib.

Prosport.Az-ın xəbərinə görə, hər 2 komandamız 21-22 iyunda Orleanda (Fransa) və 14-15 iyulda Priştinada (Kosovo) keçiriləcək mərhələ yarışlarında mübarizə aparacaq.

Bundan başqa, Şuşa mərhələsinin qalibi olmaqla tarix yazmış "Neftçi" 27-28 iyunda Puatye (Fransa), 2-3 iyulda Netanya (İsrail), 6-7 iyulda Fribur (İsveçrə) və 19-20 iyulda Bordoda (Fransa) keçiriləcək turnirlərdə də yarışacaq. Millimiz isə Marseldə (Fransa) 29-30 iyun tarixlərində keçiriləcək yarışa qatılacaq.

Qeyd edək ki, 22-23 avqustda Bakıda keçiriləcək mərhələ yarışında da hər 2 komandamız iştirak edəcək.