Avarçəkmə üzrə "Mingəçevir Reqatası-2024" beynəlxalq turnirinin bağlanış mərasimi keçirilib.

Prosport.Az xəbər verir ki, Mingəçevirdə yerləşən "Kür" Olimpiya Tədris-İdman Mərkəzində təşkil olunan tədbirdə yarışın son günündə qalib idmançılara medallar təqdim edilib.

Azərbaycan 24 medalla turnirin ən çox mükafat qazanan komandası olub.

Mükafatları Azərbaycan Kanoe və Avarçəkmə Federasiyasının baş katibi Fərhad Əliyev, Mərkəzi Aran Regional Gənclər və İdman İdarəsinin rəisi Azad Gözəlov və digər rəsmi şəxslər təqdim ediblər.

Qeyd edək ki, Gənclər və İdman Nazirliyi, Azərbaycan Kanoe və Avarçəkmə Federasiyasının (AKAF) birgə təşkilatçılığı ilə təşkil edilən yarışda Azərbaycan avarçəkənləri 6 qızıl, 9 gümüş və 9 bürünc medal qazanıblar.