Azərbaycanın futzal üzrə Yüksək və I Liqalarında 2024/2025 mövsümünün püşkü atılıb.

Prosport.Az xəbər verir ki, AFFA-nın inzibati binasında keçirilən mərasimdə əvvəlcə komandalara reqlament barədə məlumat çatdırılıb.

Yüksək Liqada 6 komanda iştirak edəcək ki, onlardan biri – “Şuşa” debütantdır. Digər 5 iştirakçı ötən mövsüm çempionatda gücünü sınayıb.

Komandalar 4 dövrə mübarizə aparacaq. 20 turun yekununda ən çox xal toplayacaq kollektiv çempion olacaq və Azərbaycanı UEFA Çempionlar Liqasının 2025/2026 mövsümündə təmsil edəcək. 2-ci və 3-cü pillənin sahibinə isə müvafiq olaraq gümüş və bürünc medallar, diplomlar təqdim olunacaq.

I Liqada isə 12 komanda gücünü sınayacaq. Mübarizə 1 dövrədən ibarət olacaq. 11 turdan sonra turnir cədvəlinin “ilk 4-lüy”ündə yer alan komandalar pley-off mərhələsinə yüksələcək. 1-ci yerin sahibi ilə 4-cü, 2-ci pilləni tutan komanda ilə 3-cü sırada yer alan kollektiv qarşılaşacaq. 1 oyunluq mübarizədə qalib gələn iştirakçılar finalda gücünü sınayacaq. Qələbə qazanan komanda I Liqanın qalibi olacaq.

Komandaya kubok, qızıl medallar və diplomlar veriləcək. Finalda uduzan komandaya gümüş, pley-off mərhələsinin matçında uduzan və 3-cü yer uğrunda görüşdə qələbə qazanan kollektivə isə bürünc medallar və diplomlar təqdim olunacaq.

Yüksək Liqa

I tur

22 oktyabr

"Baku Fayr" – "Araz-Naxçıvan"

"Şuşa" – "Neftçi" İK

U-19 – "Yasamal Bakı"

I Liqa

I tur

20 oktyabr

"STAR karqo" – "Xan-Lənkəran"

"Delta" – "Djevo Dəyirman"

"Baku Fayr-2" – "Çarşı"

"Yeni Suraxanı" – "Ulduz"

"Dəstə Ordubad" – "Timsport"

PFL – "Metropoliten"

Qeyd edək ki, bütün qarşılaşmalar "Olimpik Star"da baş tutacaq.