Azərbaycan taekvondoçusu Hüseyn Xudiyev (73 kq) Cənubi Koreyanın Çunçeon şəhərində keçirilən gənclər arasında dünya çempionatında bürünc medal qazanıb.

Prosport.Az xəbər verir ki, millimizin üzvü yarımfinalda uduzaraq 3-cü olub.

O, Serbiya (2:1), Kosovo (2:1) və Fransadan (2:0) olan rəqiblərinə qalib gələrək yarımfinala yüksəlib. Finala gedən yolda isə iranlı rəqibinə məğlub olub.

Qeyd edək ki, daha əvvəl Vasif Səlimov (63 kq) mundialın bürünc medalına sahib çıxıb.