Azərbaycan cüdoçusu Kənan Nəsibov Tacikistanın paytaxtı Düşənbə şəhərində keçirilən gənclər arasında dünya çempionatında finala vəsiqə qazanıb.

Prosport.Az xəbər verir ki, +100 kq-da mübarizə aparan idmançı yarımfinalda Beynəlxalq Cüdo Federasiyasının (IJF) bayrağı altında çıxış edən Arsen Kacayevə ipponla qalib gəlib. O, qızıl medal uğrunda qarşılaşmada digər Rusiya idmançısı Denis Batçayevlə (IJF) üz-üzə gələcək.

100 kq çəki dərəcəsində çıxış edən Əjdər Bağırov isə yarımfinalda özbəkistanlı Məhəmmədsadiq Sadiqova uduzub. O, bürünc medal görüşündə iranlı Əli Rza Niksereştlə qarşılaşacaq.

Qeyd edək ki, hələlik bu dünya çempionatında Azərbaycan millisinin aktivində 1 medal var. Ötən gün Süleyman Şükürov (81 kq) 3-cü yeri tutub.