Rusiyanın Sankt-Peterburq şəhərində keçirilən WRPF Dünya Kubokunda "Dəmir Yumruq" pauerliftinq klubu yaxşı nəticə göstərib.

Prosport.Az-a verilən xəbərə görə, klub üzvü İlkin Namazov 125 kq çəki dərəcəsində təchizatsız Deadlift və Benç-Press hərəkətlərində rəqiblərini üstələyərək hər iki hərəkətdə 1-ci yerə layiq görülüb.

Ramil Əhmədov çıxış etdiyi təchizatsız pauerliftinq növündə 110 kq çəki dərəcəsində 11 rəqib arasında 2-ci, həmçinin 120 iştiraksçı arasında 3-cü ən yaxşı nəticəni əldə edib. Ramil Əhmədov dünya rekordunu da təzələyib.

Komandanın digər üzvləri Vüsal Ağalarov 110 kq bint pauerliftinq növündə 2-ci, gənc idmançılarımızdan Nicat Əsgərov deadlift növündə 60 kq çəki dərəcəsində 1-ci yerə sahib olub. Famil Məhərrəmov təchizatda benç-press növündə qızıl medalın sahibi olub.

Qeyd edək ki, komanda Vüqar Namazovun rəhbərliyi altında çıxış edib