Avropa Paralimpiya Komitəsinin prezidenti Reymon Blondel “Paris-2024” Yay Paralimpiya Oyunlarından sonra ilk rəsmi səfərini Azərbaycana edib.

Prosport.Az xəbər verir ki, niderlandlı qonaq səfər çərçivəsində Mili Paralimpiya Komitəsi rəhbərliyi ilə birgə Fəxri xiyabanda Heydər Əliyevin məzarını ziyarət edib, abidəsi önünə gül dəstələri qoyub.

Görkəmli oftalmoloq-alim, akademik Zərifə xanım Əliyevanın da xatirəsi anılıb, məzarı üzərinə gül dəstələri düzülüb.

Daha sonra Şəhidlər xiyabanı ziyarət olunub, ölkəmizin müstəqilliyi və ərazi bütövlüyü uğrunda canlarından keçmiş şəhidlərin xatirəsi hörmət və ehtiramla yad edilib.