Azərbaycanın gənc cüdoçuları Estoniyanın paytaxtı Tallində keçirilən Avropa çempionatının qarışıq komanda yarışının qalibi olub.

Prosport.Az xəbər verir ki, mübarizəyə 1/8 finaldan başlayan cüdoçularımız həlledici mərhələyə qədər maneəsiz irəliləyib.

Qarışıq komandamız 1/8 finalda Bolqarıstanı 4:1, 1/4 finalda Türkiyə millisini 4:0, yarımfinalda Niderlandı 4:2 məğlub edib. Finalda isə prinsipial rəqib olan Fransa 4:3 hesabı ilə məğlubiyyətə uğradılıb.

Qeyd edək ki, milli üzvləri daha əvvəl fərdi çıxışda 4 qızıl, 2 gümüş və 2 bürünc medal qazanaraq Avropa çempionatında ümumi və oğlanların hesabında da ilk yeri tutub.