Radik İsayev Avropa çempionatının son günündə Azərbaycana qızıl medal qazandırdı

Rusiyanın Kazan şəhərində keçirilən taekvondo üzrə Avropa çempionatında Azərbaycan millisi növbəti medalını qazanıb.

Prosport.Az xəbər verir ki, +87 kq-da çıxış edən Radik İsayev bütün rəqiblərinə qalib gələrək, qızıl medala sahib olub.

Bununla da 28 yaşlı idmançı karyerasında ikinci dəfə Avropa çempionu olub. 

Qeyd edək ki, dağıstanlı legionerimiz Radik İsayev ilk dəfə 2014-cü ildə Bakıda keçirilmiş qitə çempionatında bu titula yiyələnib. Onun aktivində dünya və Olimpiya çempionluğu da var.

Onu da bildirək ki, Azərbaycan taekvondoçuları Avropa çempionatından vətənə üç medalla qayıdır. Belə ki, iranlı legionerimiz Milad Beiqi Hərçəqani (80 kq) və dağıstanlı Patimat Abakarova (49 kq) bürünc medal qazanıb.

  • Saytın müəllif hüquqları qorunur. Məlumatdan istifadə etdikdə istinad mütləqdir.
    Məlumat internet səhifələrində istifadə edildikdə müvafiq keçidin qoyulması mütləqdir.