İbrahimoviç həmyerlilərinə lazım deyil

İsveçin futbol üzrə milli komandasının baş məşqçisi Yanne Andersson hücumçu Zlatan İbrahimoviçin yığmaya geri qayıtdığı və dünya çempionatında iştirak edəcəyi ilə bağlı xəbərləri təkzib edib.

Prosport.Az xəbər verir ki, bu barədə “Sportskeeda” məlumat yayıb.

“Zlatan və yığmanın bir neçə başqa futbolçusu  Fransada keçirilən Avropa Çempionatından sonra milli yığmada çıxış etmək istəmədiklərini bildirmişdilər. Mən onların bu qərarına hörmətlə yanaşıram. 

KİV-də yayılan şayiələrin və ya Zlatanın dediklərinin mənimlə heç bir əlaqəsi yoxdur. Bizim aramızda razılıq olub, o, fikrini açıq-aydın şəkildə ifadə edib. Məndə onunla razılaşmışam”, - deyə Anderson bildirib.

Xatırladaq ki, bundan əvvəl, aprelin 15-də İbrahimoviç Rusiyanın yayda ev sahibliyi edəcəyi mundialda iştirak etmə ehtimallarının çox yüksək olduğunu bildirmişdi.

  • Saytın müəllif hüquqları qorunur. Məlumatdan istifadə etdikdə istinad mütləqdir.
    Məlumat internet səhifələrində istifadə edildikdə müvafiq keçidin qoyulması mütləqdir.