Vengerin “Arsenal”dakı varisi açıqlandı

“Barselona” klubunun sabiq baş məşqçisi Luis Enrike Arsen Vengerin istefasından sonra London “Arsenal”ına rəhbərlik etməyi planlaşdırır. 

Prosport.Az xəbər verir ki, bununla bağlı “The Independent” məlumat yayıb. 

Nəşrin məlumatına görə, ispan məşqçinin London klubunun rəhbərliyi ilə yaxşı əlaqələri var. Enrikenin təyinatı ilə bağlı yeganə problem mütəxəssisin yüksək maliyyə şərtləri olub. O, Vengerdən az maaş almaq istəmir. 

Aprelin 20-də Venger bəyan edib ki, sezonun sonunda klubu tərk edəcək. O, 1996-cı ildən bu klubun baş məşqçisidir. Vengerin rəhbərliyi ilə “Arsenal” üç dəfə Premyer liqa çempionu, yeddi dəfə İngiltərə kubokunun və superkubokunun sahibi olub. 

Enrike 2014-2017-ci illərdə “Barselona”nın baş məşqçisi olub. Onunla komanda iki dəfə La Liqa çempionu, üç dəfə İspaniya kuboku və bir dəfə Çempionlar Liqasını qazanıb.

  • Saytın müəllif hüquqları qorunur. Məlumatdan istifadə etdikdə istinad mütləqdir.
    Məlumat internet səhifələrində istifadə edildikdə müvafiq keçidin qoyulması mütləqdir.