?Tərlan Əhmədov: “Artıq bütün fikrimizi çempionata yönəltməliyik”

“Neftçi”nin baş məşqçisi Tərlan Əhmədov Azərbaycan Kubokunda yarımfinal mərhələsinin “Qəbələ” ilə cavab oyunundan sonra mətbuat konfransında fikirlərini bildirib:

Prosport.Az xəbər verir ki, "ağ-qaralar"ın baş məşqçisi bunları deyib:

“Kubokda kim çox səhv edirsə, o da məğlub olur. Səfərdəki ilk görüşdə 2:1 hesabı ilə qalib gəlmişdik. Cavab oyununda birinci hissədə hesabı açandan sonra komandada arxayınlıq hiss olundu. Bunun da qarşılığını sonda səhvlərlə ödəyib məğlub olduq. İlk 10 dəqiqəni çıxmaq şərtilə komanda istədiyim oyunu göstərə bilmədi. Artıq kubokla vidalaşdığımıza görə bütün fikrimizi çempionata yönəltməliyik. Çünki, avrokuboklara kubokla getmək yolumuz bağlıdırsa, çempionatda buna şansımız var. Bunun uğrunda da mübarizə aparmalıyıq”.

  • Saytın müəllif hüquqları qorunur. Məlumatdan istifadə etdikdə istinad mütləqdir.
    Məlumat internet səhifələrində istifadə edildikdə müvafiq keçidin qoyulması mütləqdir.