"Qarabağ"ın futbolçusu Polşada rekordçu oldu

“Qarabağ”ın polşalı müdafiəçisi Yakub Jezniçak ölkəsinin futbol tarixinə düşüb.

Prosport.Az xəbər verir ki, 32 yaşlı futbolçu ötən gün Ağdam klubu ilə çempion olmaqla karyerası ərzində 13-cü kubokunu qazanıb.

Bununla da o, polşalı futbolçular Ernst Pol və Kziztov Vajixin rekorduna şərik olub.

Qeyd edək ki, ötən il kapitanı olduğu “Legiya”dan “Qarabağ”a gələn Jezniçak Ağdam klubunda ilk titulunu qazanıb. O, digər 12 kuboku isə “Legiya”da başı üzərinə qaldırıb. Bunlardan 5-i Polşa çempionluğu, 6-ı ölkə kuboku, 1-i isə Superkubokdur.

  • Saytın müəllif hüquqları qorunur. Məlumatdan istifadə etdikdə istinad mütləqdir.
    Məlumat internet səhifələrində istifadə edildikdə müvafiq keçidin qoyulması mütləqdir.